გიორგი მთაწმინდელის სახელობის გალობის უნივერსიტეტში კონკურსის წესით მიმდინარეობს კანდიდატის შერჩევა ფონდი „ქართული გალობის“ ედიშერ და გიორგი (გიგი) გარაყანიძის სახელობის ყოველწლიური სტიპენდიის მისაღებად.
ფონდი „ქართული გალობა“ 2016 წლიდან გასცემს ედიშერ და გიორგი (გიგი) გარაყანიძის სახელობის ყოველწლიურ ერთჯერად სტიპენდიას 1000 ლარის ოდენობით თბილისის სახელმწიფო კონსერვატორიის, თბილისის სახელმწიფო უნივერსიტეტისა და გიორგი მთაწმინდელის სახელობის გალობის უნივერსიტეტის ტრადიციული მუსიკის მკვლევარი გამორჩეული სტუდენტებისათვის.
სტიპენდიაზე განაცხადის გაკეთება შეუძლია სტუდენტს, რომელსაც 2023-24 სასწავლო წელში მაღალი აკადემიური მოსწრება/აქტიური სამეცნიერო ცხოვრება ჰქონდა.
- სტუდენტი შესაძლებელია იყოს 2024 წლის კურსდამთავრებული, აქტიური ან შეჩერებული სტატუსის მქონე;
- შესაძლებელია, სტუდენტს 2023-24 სასწავლო წლის განმავლობაში ჰქონდეს შეჩერებული სტატუსი და შესაბამისად, შერჩევა მოხდეს მხოლოდ სამეცნიერო აქტივობის შეფასებით;
- კონკურსში მონაწილეობის მიღება შეუძლია წინა წლის/წლების სტიპენდიატს;
- აგრეთვე, კონკურსში მონაწილეობა შეუძლია მიიღოს ბაკალავრიატის ან მაგისტრატურის პირველი კურსის სტუდენტმა, თუ მას წინა წლის განმავლობაში აქვს გარკვეული სამეცნიერო აქტივობა.
დაინტერესებულმა პირებმა გთხოვთ შეავსოთ კითხვარი და გადმოგვიგზავნოთ ელ. ფოსტაზე study@galoba.edu.ge
განაცხადები მიიღება 9 ნოემბრის ჩათვლით.
წარმატებას გისურვებთ!
