გიორგი მთაწმინდელის სახელობის გალობის უნივერსიტეტის ბიბლიოთეკა არსებობს უნივერსიტეტის დაარსების დღიდან. წლების განმავლობაში თანდათანობით ხდებოდა ბიბლიოთეკის რესურსის შევსება. დღევანდელ დღეს იგი მოიცავს დაახლოებით 3000-მდე საბიბლიოთეკო ერთეულს, ნოტების, აუდიო მასალის (CD/DVD), სამეცნიერო კრებულების, მონოგრაფიების, სახელმძღვანელოების, ხელნაწერი ნაშრომების და სხვა სახით.

უნივერსიტეტის მთავარი დონორია საქველმოქმედო ფონდი „ქართული გალობა“. გალობის უნივერსიტეტის წარმატებას მეტწილად ფონდის მხარდაჭერა განსაზღვრას. უნივერსიტეტის როგორც კვლევითი კომპონენტის, ასევე, ინფრასტრუქტურის განახლება-გაძლიერება სწორედ ამ ფონდის ძალისხმევით მოხერხდა.

ხმის ჩამწერი სტუდია „ქართული გალობა“ გიორგი მთაწმინდელის სახელობის გალობის უნივერსიტეტში 2016 წელს ფონდი „ქართული გალობისა“ და მისი გენერალური დირექტორის – ქალბატონ ნანა გოთუას პირადი შემოწირულობით დაფუძნდა.

მუსიკალური ტექნოლოგიების სტუდია აღჭურვილია საერთაშორისო სტანდარტის გერმანულ–ამერიკული აპარატურით. სტუდიის ხმის იზოლაცია და აკუსტიკური გამართვა შეესაბამება საერთაშორისო სტანდარტებს.

.