2025 წლიდან გალობის უნივერსიტეტის ორივე საფეხურის სტუდენტებს შესაძლებლობა ეძლევათ უნივერსიტეტის შიდა დაფინანსებით მონაწილეობა მიიღონ კონტინენტური ევროპის ფარგლებში გამართულ საერთაშორისო მუსიკოლოგიურ და ჰუმანიტარულ მეცნიერებათა ინტერდისციპლინარულ კონფერენციებში/სიმპოზიუმებში.
დაფინანსებას მიიღებს პირველი სამი სტუდენტი, ვინც 2025 წლისთვის მონაწილეობის დასტურს მიიღებს მის მიერ შერჩეული სამეცნიერო ფორუმის საპროგრამო კომიტეტისგან.
დაფინანსების მიღებისთვის სტუდენტმა დეკანატს უნდა წარუდგინოს საპროგრამო კომიტეტისგან მიღებული ოფიციალური მოწვევა და ღონისძიებაში მონაწილეობისთვის საჭირო ბიუჯეტი (ავია ბილეთის ინვოისი, ღონისძიების სარეგისტრაციო, სასტუმროსა და ყოველდღიური ხარჯი).
ფორუმზე წარსადგენი თემატიკის შესარჩევად კონსულტაციისთვის შეგიძლიათ მიმართოთ თქვენს მიერ შერჩეულ გალობის უნივერსიტეტის აკადემიურ პერსონალს.
განაცხადის გაგზავნისას ტექნიკური კონსულტაციისთვის შეგიძლიათ მიმართოთ გალობის უნივერსიტეტის საერთაშორისო ურთიერთობის მენეჯერ ბაია ჟუჟუნაძეს.
კონტაქტი: inter@galoba.edu.ge +995555288108
გიზიარებთ ამჟამად გამოცხადებული კონფერენციების შესახებ ინფორმაციას –
- ნიდერლანდების მუსიკის ისტორიის სამეფო საზოგადოება 2025 წლის 3-4 აპრილს იწვევს ყველა საფეხურის სტუდენტებს კონფერენციაზე Bodies of/and Music.
რეგისტრაციის ვადა 1 დეკემბერი.
დაწვრილებითი თემატიკა და ინსტრუქციები იხილეთ აქ: https://www.kvnm.nl/nieuws/call-for-prosoals
- ICTMD-ის მუსიკის გლობალური ისტორიის ჯგუფის სიმპოზიუმი გაიმართება 17-22 სექტემბერს, ქალაქ ბერლინის ეთნოგრაფიულ მუზეუმში.
რეგისტრაციის ვადა 30 დეკემბერი.
დაწვრილებითი თემატიკა და ინსტრუქციები იხილეთ აქ: https://ictmd.org/sites/default/files/CfP%2C%20Berlin%2C%202025_0.pdf
